المديرون ليسوا هم المذنبون !

اختي العزيزة .. اسعد الله صباحكي
انا شخصيا الخص المشكلة على هاد الشكل
اولا معظم الاعضاء صغار وطلاب مدارس .. يعني ما يمكن يفوتو ع المنتدى كل يوم ابدا
تانيا العم ابو قاسم وقتو حرج جدا بسبب انشغالو .. لاني بعرف ظروفو منيح
تالتا المنتدى ما فيو مشرفين .. طبعا بسبب عدم وجود اعضاء متفرغين
رابعا احكيها بصراحة المديرات العزيزات هون عم بتفوت الوحدة بترد ع موضوع او تكتب شي موضوع .. وبعدين بتغيب بتغيب شي
اسبوعين تلاتة شهر وما عم بتشارك بشي ويمكن عم بتفوت بشكل زائر ..طب ليش؟؟؟؟؟
طيب كاترين وينا ؟؟ عمي ابو قاسم منحها لقب ملكة المنتدى وعملا شي وشوي وولا حدا هون .. طب ليش؟؟؟؟؟ الاعضاء باركولا بشكل مو طبيعي
وردا كان مو بنفس الزخم .. طب ليش؟؟؟؟ فالعضو من غير ميحكي عم بحس انو المديرة كاترين عم (بصراحة بطنشو)
طيب كمان في مديرة ياللي اسما انمي سمايل هي كمان وعدت باستمرار النشاط ..وخرجت ولم تعد .. طب ليش؟؟؟؟؟
طيب المديرة آنية (وحسب ما فهمت من العم ابو قاسم انها اختك) طيب ليش الغياب القاتل هاااااااد؟؟؟؟؟

طيب ما بدي تزعلي مني اختي .. انتي كتبتي هاد الموضوع طبعا اكيد انتي شفتي موضوع ترئيتك لمديرة وشفتي الردود والتبريكات وبالصور كمان هاد بعني انو الردود كانت مخلصة جدا الك .. طيب قبل ما تكتبي هاد الموضوع كان لازم انك تردي ع اللي باركولك صح ؟؟؟ صح؟؟؟ ولا بحكي غلط؟؟؟ مو كان مفروض  نردي عليهن؟؟
وهناك اشيا ما بدي احكيها
الخلاصة التقصير الاكبر ع المديرات من ناحية الغياب ومن ناحية اسلوب التطنيش هاد

السلام عليكم ورحمة الله وبركاته
اختي العزيزة اسمحي لي أن أطرح وجهة نظري على ردك .. ولكن سأبدأ منذ النهاية ..
أنا يا غاليتي لم أكتب هذا الموضوع مباشرة على المنتدى وإنما نسخته هنا بعد أن كتبته على جهازي ونشرته وخرجت مباشرة .. ولم أنتبه حتى للون اسمي الذي صار أحمر !
دخلت في اليوم التالي لأرى مستجدات الأمور اكتشفت الأمر
وكانت صدمتي أكبر من فرحتي
لن أكذب على نفسي فأنا لم أكن سعيدة باﻷمر 
فليس ما أريده  هو أن أكون مديرة 
لأنني أعلم أنها مسؤولية كبيرة أمام الله تعالى قبل الأعضاء 
وما زادني ألما أكثر كل تلك التبريكات من الأعضاء 
رغبت أن أخبر العم أبا القاسم بذلك 
ولكنني خفت أن أخذله 
وخفت أن أخذل الأعضاء بعدما رأيت ردودهم 
سألت أختي فقالت :افعلي ما ترينه صحيحا
فازددت حيرة وحتى الآن أنا محتارة
لا أحد يعلم إلى أين ستسوقه الحياة
ولا أحد يعلم إلى أي لحظة سيعيش 
وأخشى أن أموت وفي نفس أحدكم مني كره لأنني ظلمته 
ولم يسهل علي أن أدخل وأرتدي قناع الفرح وأرد على تهنئتي وأتظاهر بالسعادة ،،فاكتفيت بالصمت !
وأما آنية فصحيح أنها أختي ولكنها كتومة لدرجة غير طبيعية
تحدثت معها كثيرا أن تدخل وأن الأعضاء يسألون عنها ولكنها لم تكن ترد علي 
ولا أدري ما السبب
وأنا لا أستطيع أن أجبرها على شيء لا تريده ..
وأما كاترين فأذكر أنني قرأت لها ردا تقول فيه بأنها تدخل في العطلات لأنها مشغولة
وأما anime smile فما علمي بحالها أكثر من علمكم  وآمل أن تدخل في القريب العاجل وتلقي الضوء على سبب غيابها 
بالمناسبة أنا أتفق معكي أن الخلل من قبل المديرين
لكن هذا لا يعني خمول الجميع 
وبما أن الكل مشغول فهذا يعني أن المشكلة مستعصية 
ولا أحد يعلم متى سيعود المنتدى لسابق عهده
أخيرا أختي أنا لم أحزن من حديثكي أبدا بل استقبلته بكل صدر رحب
فإن أصبت فمن الرحمن
وإن أخطأت فمن نفسي والشيطان 
سامحوني على التقصير واغفروا لي ذلاتي 
جزيتم خيرا
في أمان الله

الجميع معه حق
لكن مالحل ؟

تحياتي اختي العزيزة ..
اذا انتي تتفقي معي بان المديرين عليهن مسؤولية كبيرة .. بس بدي احكي هالشغلة
العم ابو قاسم من حيث ادارة شؤون المنتدى كفى ووفى فالمدراء مو مطلوب منهن الا التواجد بين الحين والاخر
لحتى بعطو نفس للشباب الصغار وبيصيرو يتواجدو ويعبرو عن لي جواتهن بالشكل لي همو بيحبوه

ع فكرة انا بدخل منتدى سبيس بور كزائر لحتى بس اشوف حضرات المديرات لي عنا هون عم بدخلو هناك ولا لأ
للأسف شفتهن عم بدخلو وبيشاركو كمان .. طيب يالي معاه وقت يدخل هناك معناتو بيقدر يدخل هون شي نص ساعة
ويشارك ويرد على الاقل يالي باركوله ك ملكة المنتدى .. لكن بدي احكي هالشي انا جارة العم ابو قاسم وصاحبة بنتو
وحكالي بصريح العبارة هو انخذل بمعنى الكلمة .. الله يسامح الجميع
وكمان بدي احكي هالشي حوالي 50 بالمية من الاعضاء الصغار هم اصدقاء وصحاب لاحفاد ابو لقاسم ايهم وحمادة
وما معهن نت على جوالاتهم بسبب الدراسة (منع من الاهالي) فهم بيجو احيانا لما بيكون ايهم وحمادة ببيت جدهن ابو القاسم
لأنو عندو اكتر من كمبيوتر ومن بيتو بيدخلو ع النت وبيصيرو يشاركو .. لكن لما ما بيكونو بالبيت فما معهن نت فما بيشاركو
ولا بدخلو ولا بيعرفو شو بيصير
وكمان العم مشغول جدا بشي غير شغل البرمجة والشركة لي هو فك مشاكل الناس .. دائما عندهم زوار دائما كل ما اروح لعند
بنتو بلاقي زوار عند ابو لقاسم .. وقتو ضيق وحرج جدا الله يكون بالعون
تحياتي للجميع

ما دام ما في اعضاء جدد بتظل المشكلة
ما دام لاعضاء ما معهم نت كمان بتظل المشكلة
بس في لوم على المديرات لي هو .. ما بيشاركو لحتى نعرف ايه رايهم
الصحيح المنتدى يفتقر لمدراء نشيطين في جلب اعضاء جدد

ياريت عندي حل للمشكلة

السلام عليكم ورحمة الله وبركاته
انا اكتب الان لأعتذر لكم عن كل نقص وكل خطأ بدر مني
سأبذل قصارى جهدي حتى يعود المنتدى لما كان عليه
وأتمنى أن تساندوني على ذلك
جزيتم خيرا

اهلا بيكي يا زينب
انا بهالفترة كنت مشغول جدا بامور العشيرة وتحضير للاجتماعات وما شابه
ارجو المعذرة
بس عتبي على لي ركلت المنتدى برجلها بحجة الانشغال وهي يوميا تقريبا عم بتفوت ع سبيس بور
الله يسامحها
ما علينا .. كل امسان حر بحالو .. بس لا بد ييجي اليوم لي يعرف انو كان على خطأ ..لانو زعل بدووووون سبب
صدري واسع وبتحمل كل هالشي
تحياتي

الملاك كتب:

اي ستي للأسف هياتك خذلتيه وخلصتي
الله يسامحك
العم ابو قاسم ما بيستاهل تعملو فيه هيك

معلش يا بنتي يا ملاك ..الكل خذلني والله
بس مسيرهم يعرفوا يوم انهم كانوا مقصرين بحق ابو قاسم
وهاي الحياة شو ما بتقدم بعكس ما بتلاقي

اي صحيح عمي كلام الملاك كلو صحيح
مية بالمية

عن أبي هريرة رضي الله عنه، عن رسول الله صلى الله عليه وسلم قال: «من كان يؤمن بالله واليوم الآخر،
فليقل خيرًا أو ليصمت، ومن كان يؤمن بالله واليوم الآخر، فليكرم جاره، ومن كان يؤمن بالله واليوم الآخر، فليكرم ضيفه»
(رواه البخاري، ومسلم)

رابط

الله يطول بعمرك يا عم