ممكن استاذ ابو القاسم ان تجلس على كرسي الاعتراف

تذكير بمساهمة فاتح الموضوع :

السلام عليكم
عمي الاستاذ ابو قاسم
ممكن تجلس بعد اذنك على كرسي الاعتراف
لحتى نسالك اسئلة قوية وممكن تكون محرجة .. لكن المحرجة ممكن ان تجيب عليها بطريقة تبعدك عن الاحراج
وكمان هناك اسئلة ومشاركة من الجميع لحتى
نعرف حياتك العاطفية
نعرف حياتك العملية
حياتك العلمية
وايضا شؤون اخرى

ملاحظة يمكن لكل مشترك ان يسال اسئلة لا تتجاوز الثلاثة اسئلة في المشاركة الواحدة
ممكن عمي ابو القاسم ؟
ياريت تقول نعم لحتى نبلش

اسماء كتب:

اخواني واخواتي
انتو بتعرفو انو عمي ابو القاسم هو عمي الصحيح يعني شقيق ابي
وعمي ابو القاسم اصغر من ابي
ومع ذلك والله لما بيجي علينا شو بنفرح كتير
والكل بنات وولاد وابي وكمان دار عمي ابو مالك الكل الكل بيجي وبنجلس وبنستمع لحديث عمي ابو القاسم الرائع
عمي يا حبايب لطيف وحنون وطيب ولا حدا بيزعل ولا هو بيزعل حدا ابدا
بحاكي الصغير والشب والبنت والكبير الكل حسب مستواه .. شو بدي احكي
ولما بصير نقاش علمي او تقافي بحضورنا شي رائع وجميل .. يعني عمي احيانا بحكي كلام لغة عربية فصحى
احنا ما عم نفهمها ولا بنعرفها وهو بيحكي وبطلاقة شي عجيب
وكمان عمي وجه العشيرة يعني هو ياللي بحكي باسم العشيرة بالجاهات والصلحات العشائرية هو ياللي بيتكلم امام الجميع
كتير بيجوه ناس ع شان يروح معاهم بالجاهة وكتير هو ياللي بيكون رئيس الجاهة
ويالطيف شو عمي محبوب كتير عند الناس
بس بكفي ليروح عمي يزعل مني لاني بمدحو

لا يا اسماء يا بنت اخي
مافي داعي لكل هالمدح ابدا .. شو خليتيني محل السلطان .. لالا عمي لا
انا انسان عادي جدا وبسيط وغير معقد كما تعلمين
واستطيع قراءة جميع شرائح المجتمع حتى الاطفال
لسبب بسيط فقط اني بحب الخير لي وللناس
تحياتي للجميع

طيب طيب سيبك من اسماء ي عمي هلا
هلا انا بدي اسال سؤال قوي جدا جدا جدا
ويمكن يكون محرج كتير
انا متاسفة على هالسؤال بس ما بعرف لانو بسراحة بصراحة يعني انت
بهالرجولة والاناقة والشياكة معقوووووول يعني ماااااا ...
قصدي
السؤال والله مستحي اسئلو
ال س ؤ اااااااااال
مافي ولا وحدة دخلت قلبك لفترة وبعدين خرجت منو
يعني حسيت انك مثلا معجب فيها لفترة وبعدين راح الاعجاب
خلص السؤال
سامحتي
هروووووووووووب
لسلام عليكن

رفيدة كتب:

مافي ولا وحدة دخلت قلبك لفترة وبعدين خرجت منو
يعني حسيت انك مثلا معجب فيها لفترة وبعدين راح الاعجاب

هههههه طيب ليش الهروب ؟
شوفي يا بنتي يا رفيدة .. اي انسان سواء كان رجل او امرأة او فتاة او شاب او حتى عجوز .. فهناك احيانا كثيرة لا يستطيع السيطرة
على مدخلات قلبه ومخرجاته فربما مثلا تدخل فتاة في قلبي ولكني بعدها اجاهد نفسي حتى تخرج ولاسباب مقنعة وربما تمكث فتاة اكثر من
فتاة في القلب ولكنها لن تؤثر على منهج حياتي الشرعي او الاجتماعي .

وقضية ميل القلب او انفتاحه يكون خارج السيطرة ولا يوجد عيب في ذلك لكن العيب ان انجر وراء اوهام او احلام
فتبقى زوجتي هي ملكة القلب ولا غيرها
اللهم طهر قلوبنا من الشذوذ ومن الرجس ومن كل دنس

رمسيس الثاني كتب:

سؤال فكري عمي توب
ايمتى بكون الانسان اعلى درجات النضوج الفكري؟
يعني من انو سن الى انو سن؟

والله يا رمسيس من خلال درايتي ومعرفتي ودراستي هو ما كان به سيدنا رسول الله صلى الله عليه وسلم
عندما ارسله الله للناس كافة كان في سن الاربعين .. هذا يعني اكنمال النضوع العقلي فاحتفظ بهذا النضوخ
المكتمل حتى توفاه الله صلوات ربي وسلامه عليه في سن ال 63
الخلاصة من الارعين الى الثلاث والستين
وهذا راي كثير من العلماء والمفكرين

هل خلصت الاسئلة عموووو....
ولا راح اصحاب الاسئلة ...
الصحيح انو كتير من اعضاء هذا المنتدى رجعوا لبلدهم ... وبسبب سوء النت هناك وبسبب هجوم الفيس وبسبب الانشغال ايضا ... انعدمت المشاركات
الله يهدي البال